721 判刑・專訪 1｜被偷走的那五年 金融才俊人生逆轉 被炒魷失業改行揸 Uber
全文：https://tinyurl.com/27db5cw9
721 元朗襲擊發生至逾五年七個月，前立法會議員林卓廷、庾家豪、陳永晞、葉鑫昇、鄺浩林、尹仲明、楊朗七名非白衣人，去年 12 月被裁定暴動罪成；案件（27日）被判囚 25 至 37 個月。捲入這宗暴動案的被告，他們過去幾年是怎樣過，《集誌社》在去年底 12 月裁決前，專訪了案中被告陳永晞及他的父親。
//審訊斷斷續續進行、橫跨兩年，終在 2024 年 12 月迎來裁決。對於結果，Jason 在裁決前坦言無法估計，但已下定決心，無論有罪或無罪，最終都會離開香港。這個想法早在 2022 年初已埋下 —— Jason 覺得在近年社會環境改變下，「我越嚟越覺得自己對呢個城市冇歸屬感，我唔係一個 stakeholder」，「或者咁講，我嘅歸屬感，仲喺我心目中記憶中嗰個香港，唔係（而家）呢一個香港。」
去意已決，Jason 抱着不會再返港、「有得食好食、有得去好去」的心態，在審訊期間和裁決前，在香港四處走、四處吃，身型長胖了不少。他上飛鵝山看風景、入赤柱和西貢，還特意駕車回去小時候的成長地荃灣，「望吓以前自己住嗰座、望吓呢個地方，想 refresh 一下自己嘅記憶，呢個 memory 可能 stay for another 20 years（這個記憶可能會留多20年）。」
裁決前兩周，他和記者重返小時候常去的荃灣香車街街市「江記」，點一碗熟客才懂得叫的「絲絲麵」（兩份肉絲），不消一會便將整碗清空，連湯汁也喝得一乾二淨，「隻味喺第二度食唔到」。他之後再拜祭了祖父母，說心裡想的是：「可能最後一次嚟睇你哋喇。」
無論法庭判決如何，從被捕起計的超過四年，Jason 失去原有事業、無法計劃人生，實際上已被懲罰、人生如被偷走：「好似所有嘢撳咗個暫停掣，但撳咗個暫停掣之餘其實你個生命又流逝緊，你個生命係畀人停咗。」
審訊期間一直低調，待一切塵埃落定後上鏡受訪，Jason 說，是想留下紀錄，讓人知道案件對被告的影響有多大。他嘆了口氣：「大佬我真係路過㗎咋，然後發生咗件咁嘅事，然後就搞到我冇咗幾年嘅生命⋯完全扭轉咗我嘅未來。」留下記錄，也因自覺承受了這些苦難，就有責任繼續講述這個故事，「呢件事可能再過多十年無人 interested 㗎喇，但我繼續係呢個角色，去繼續 remind 人哋，呢件事發生過、呢件事發生過。」
裁決後一個月，在赤柱監獄探訪室再見 Jason，他的臉頰瘦了、皮膚黑了，精神不俗，笑說在獄中有打籃球，但年紀大了，只能打打「養生波」。以往工作日夜顛倒、裁決前又睡得不好，還押後作息定時，他視之為顧好自己健康的機會，打趣說排出的大便，「好耐冇見過咁靚」。
由年薪過百萬的投行副總裁，除下西裝成為階下囚，Jason 說始終與其他囚犯價值觀不同，獄中生活「適應到，但融入唔到」。但他說，仍可選擇自己的心態：「每朝䁅大眼選擇自己心情，我揀開心，short term target 係完成咗一日，唔諗咁遠。」//
721 判刑・專訪 1｜被偷走的那五年 金融才俊人生逆轉 被炒魷失業改行揸 Uber
Re: 721 判刑・專訪 1｜被偷走的那五年 金融才俊人生逆轉 被炒魷失業改行揸 Uber
721 判刑・專訪 2｜子判囚 31 個月 同屬利物浦球迷 父借歌寄意：You Will Never Walk Alone
全文：https://tinyurl.com/7xhvv9n7
721 元朗襲擊發生至逾五年七個月，前立法會議員林卓廷、庾家豪、陳永晞、葉鑫昇、鄺浩林、尹仲明、楊朗七名非白衣人，去年 12 月被裁定暴動罪成；各人（27日）被判囚 25 至 37 個月 。捲入這宗暴動案的被告，他們過去幾年是怎樣過，家人又如何面對和看待？《集誌社》早前專訪了案中被告陳永晞及其父親。
// 2024 年 12 月 2 日，已移民英國的陳 Sir 步出接機大堂，搭了搭來接機的兒子陳永晞 Jason 膊頭。在 721 非白衣人案被指曾拿起消防喉射水、被控暴動的兒子，即將迎來裁決，陳 Sir 知道裁決的日子後，決定買機票回港。「好多嘢都定晒局，實質上對 Jason 未必有啲咩幫助，但我諗喺嗰個情緒支援上面，應該對佢嚟㗕係正面嘅⋯⋯」訪問中一直冷靜的他，說到此處沉默良久。
十日後，Jason 被裁定罪成。庭上，Jason 的太太低頭抽泣，陳 Sir 則表現平靜，目送囚車和兒子離開。訪問在兒子還押約一個月後進行，陳 Sir 回憶頭一次隔着玻璃探望兒子，內心難免激動，但又互相着對方不用擔心。直至翌日一個人吃過早餐，到附近的海濱長廊散步，情緒才來襲。「我哋都算係幸運嘅一代啦，幾十歲人唔算遇過好多大嘅挫折⋯⋯所以有一種感覺，譬如啲人話心痛，我哋睇文字睇得多，咩叫心痛⋯⋯」，他說着頓了頓。
「即係嗰朝早就有喇。」他的聲線微微顫抖。
裁決當天，陳 Sir 與 Jason 和媳婦飲完茶，一同前往法院聽取裁決。對於定罪，他早有心理準備，但聽到那刻仍「好似有一個錘仔打落嚟」。他始終覺得，當日警察的不作為應考慮在內，「正正因為佢哋嘅不作為，先至導致白衣人同非白衣人衝突激化」；警察遲遲不到場，亦的確違反絕大多數人的合理期望，「如果警察喺一個合理嘅時間到場，係唔係可以令到成件事改寫咗呢？」
這個年頭，沒有多少被告家屬願上鏡受訪，但陳 Sir 腰板挺直、翹起雙手望前方，說得坦然：「掉返轉頭，發生喺 Jason 身上嘅呢件事，我又唔覺得係一件好唔光彩嘅事，又唔係話有啲咩唔見得人、對唔住屋企、對唔住社會⋯⋯我真係諗唔到我點解要隱瞞我嗰個身分呢？又唔係我做咗虧心事。」
721 事件發生至今逾五年，官方對事件的定性也產生變化。任教歷史多年，陳 Sir 清楚歷史從來都是由當權者書寫，但他覺得，「從來都係咁唔代表我哋要接受吖嘛」，「歷史唔能夠淨係得一種顏色、一種聲音。」不論是作為非白衣人案被告的家屬，還是一個從事教育工作幾十年、在香港土生土長、與香港有密切關係的人，他對這個城市發生的事情，也有自己的觀察和想法，「我講出嚟都希望歷史上補返一筆、多個角度，唔淨係當權者佢哋描述嗰個模樣係咁就係咁樣。」
Jason 被還押近一個多月，問陳 Sir，有什麼想跟兒子說？他先笑指「唔需要咁間接」，接着說起，現在隔兩天就見到兒子，沒什麼迫切性寫信，但返到英國後，說不定就會動筆。陳 Sir 與兒子同是英超球隊利物浦的球迷多年，他提到利物浦球迷很熱情、對球隊不離不棄，隊歌《You Will Never Walk Alone》，開場前聽到也會很激動。
「我會諗，如果我要寫信畀佢，我都會用返呢句說話、或者呢首歌嘅歌詞去鼓勵佢——」他若有所思。
「『你永遠不會獨行』，我覺得好啱佢而家呢個處境，佢都好需要外面嘅人支持佢，佢唔係一個人。」//
#721元朗襲擊 #721判刑 #非白衣人暴動案 #陳永晞 #集誌社 #他們是誰
全文：https://tinyurl.com/7xhvv9n7
721 元朗襲擊發生至逾五年七個月，前立法會議員林卓廷、庾家豪、陳永晞、葉鑫昇、鄺浩林、尹仲明、楊朗七名非白衣人，去年 12 月被裁定暴動罪成；各人（27日）被判囚 25 至 37 個月 。捲入這宗暴動案的被告，他們過去幾年是怎樣過，家人又如何面對和看待？《集誌社》早前專訪了案中被告陳永晞及其父親。
// 2024 年 12 月 2 日，已移民英國的陳 Sir 步出接機大堂，搭了搭來接機的兒子陳永晞 Jason 膊頭。在 721 非白衣人案被指曾拿起消防喉射水、被控暴動的兒子，即將迎來裁決，陳 Sir 知道裁決的日子後，決定買機票回港。「好多嘢都定晒局，實質上對 Jason 未必有啲咩幫助，但我諗喺嗰個情緒支援上面，應該對佢嚟㗕係正面嘅⋯⋯」訪問中一直冷靜的他，說到此處沉默良久。
十日後，Jason 被裁定罪成。庭上，Jason 的太太低頭抽泣，陳 Sir 則表現平靜，目送囚車和兒子離開。訪問在兒子還押約一個月後進行，陳 Sir 回憶頭一次隔着玻璃探望兒子，內心難免激動，但又互相着對方不用擔心。直至翌日一個人吃過早餐，到附近的海濱長廊散步，情緒才來襲。「我哋都算係幸運嘅一代啦，幾十歲人唔算遇過好多大嘅挫折⋯⋯所以有一種感覺，譬如啲人話心痛，我哋睇文字睇得多，咩叫心痛⋯⋯」，他說着頓了頓。
「即係嗰朝早就有喇。」他的聲線微微顫抖。
裁決當天，陳 Sir 與 Jason 和媳婦飲完茶，一同前往法院聽取裁決。對於定罪，他早有心理準備，但聽到那刻仍「好似有一個錘仔打落嚟」。他始終覺得，當日警察的不作為應考慮在內，「正正因為佢哋嘅不作為，先至導致白衣人同非白衣人衝突激化」；警察遲遲不到場，亦的確違反絕大多數人的合理期望，「如果警察喺一個合理嘅時間到場，係唔係可以令到成件事改寫咗呢？」
這個年頭，沒有多少被告家屬願上鏡受訪，但陳 Sir 腰板挺直、翹起雙手望前方，說得坦然：「掉返轉頭，發生喺 Jason 身上嘅呢件事，我又唔覺得係一件好唔光彩嘅事，又唔係話有啲咩唔見得人、對唔住屋企、對唔住社會⋯⋯我真係諗唔到我點解要隱瞞我嗰個身分呢？又唔係我做咗虧心事。」
721 事件發生至今逾五年，官方對事件的定性也產生變化。任教歷史多年，陳 Sir 清楚歷史從來都是由當權者書寫，但他覺得，「從來都係咁唔代表我哋要接受吖嘛」，「歷史唔能夠淨係得一種顏色、一種聲音。」不論是作為非白衣人案被告的家屬，還是一個從事教育工作幾十年、在香港土生土長、與香港有密切關係的人，他對這個城市發生的事情，也有自己的觀察和想法，「我講出嚟都希望歷史上補返一筆、多個角度，唔淨係當權者佢哋描述嗰個模樣係咁就係咁樣。」
Jason 被還押近一個多月，問陳 Sir，有什麼想跟兒子說？他先笑指「唔需要咁間接」，接着說起，現在隔兩天就見到兒子，沒什麼迫切性寫信，但返到英國後，說不定就會動筆。陳 Sir 與兒子同是英超球隊利物浦的球迷多年，他提到利物浦球迷很熱情、對球隊不離不棄，隊歌《You Will Never Walk Alone》，開場前聽到也會很激動。
「我會諗，如果我要寫信畀佢，我都會用返呢句說話、或者呢首歌嘅歌詞去鼓勵佢——」他若有所思。
「『你永遠不會獨行』，我覺得好啱佢而家呢個處境，佢都好需要外面嘅人支持佢，佢唔係一個人。」//
#721元朗襲擊 #721判刑 #非白衣人暴動案 #陳永晞 #集誌社 #他們是誰
Re: 721 判刑・專訪 1｜被偷走的那五年 金融才俊人生逆轉 被炒魷失業改行揸 Uber
721 判刑・專訪 3｜由「點解係我」到放下憤怒：真相大家睇到，已經夠喇
全文：https://tinyurl.com/4aemyfb7
721 元朗襲擊發生至逾五年七個月，前立法會議員林卓廷、庾家豪、陳永晞、葉鑫昇、鄺浩林、尹仲明、楊朗七名非白衣人，去年 12 月被裁定暴動罪成；案件日前（ 27日）判刑，各人被判囚 25 至 37 個月。
捲入這宗暴動案的被告，他們過去幾年是怎樣過，家人又如何面對和看待？《集誌社》在去年 12 月裁決前專訪了案中被告 Marco。
//2020 年 8 月 26 日，Marco 清晨 6 點接到爸爸從家中打來的電話。他早一晚到朋友家打機，睡眼惺忪之際，耳邊傳來父親的聲音問：「你喺邊度？返屋企，有阿 sir 上嚟拉你」；警員隨即接過電話表示要進行拘捕，要求他立即回家。半小時後，Marco 趕到家中，重案組警員指他涉嫌暴動並作正式拘捕。「嗰一刻反應係，我暴動？我暴動？我冇喎，我冇做過喎」；警員接著道出他「犯案」的日子，頓感晴天霹靂，「係 721。吓？721 暴動？721 暴動？」。
2024 年初和年中，他分別被兩間銀行終止戶口，搵工更覺困難，日子令他倍感折磨和麻木，只望盡快結束這三、四年的煎熬。他一邊說著「有時對方可能想睇到你消極，我就更加唔會」，另一邊卻不得不承認，隨著審訊展開，被告的信心亦越來越細。他提到，有被告原本覺得「贏緊㗎喎呢單案，但而家再問佢都擰晒頭，話唔樂觀」，承認自己已開啟求生模式，做定最壞心理準備，「喺絕處入面都要逢生」。
口中訴說著這段時間的不如意，Marco 一會兒又振作自己，說感受到很多人的關心和支持，例如有本來不認識的旁聽人士，會送上寫有加油、包裝漂亮的零食，為被告打氣；有朋友則會留意法庭新聞，每日短訊問候，令他覺得這條路並不孤獨。作為案中最年輕的一個被告，案發時只有 25 歲，經歷上門被捕、提堂、保釋、審訊，他形容這一切，「好似上咗一個好長嘅課程咁樣，個人好似長大咗」。
回顧過去 52 個月，Marco 形容自己的人生因官司「停擺咗四、五年」，過去兩年「都係生存，唔係生活…都係比較…可唔可以用渾渾噩噩呢？又唔係嘅，但係係生存、留一口氣，唔好畀自己死咁」。官司另一大影響是，令他對見義勇為產生猶豫，「如果罪名成立，有一日見到有啲人需要幫嘅時候，我會諗一諗係咪要幫，幫完會唔會有後果…唔好做、可能會瀨嘢…但我又好怕自己…好似內地有時有人車禍、有傷者喺路上但冇人理，我好怕自己都變成行屍走肉」。
裁決在即，他說對結果已有心理準備，「起碼都見到一個終點，都可能係一個完結」。話說得淡然，Marco 也曾深深不忿、感覺冤枉，「點解係我呢？咁多人點解係我？我係幫人嘅，有啲拎武器嘅都冇事…」，但五年時間已沖淡了他所有的感覺，亦放下了憤怒。「覺得都改變唔到乜嘢，已經將當日嘅經過、真相講晒出嚟，喺法庭入面盡咗力…聽日係罪名成立都好，其實改變唔到，我要做嘅嘢做晒喇…有啲嘢我自己知道冇罪，或者有啲真相大家都睇到、知道嘅，其實已經夠喇」。
Marco 說明白時局難免令人悲觀，但慶幸自己在絕望中，仍能帶有一點希望、一點信念。他又面帶靦腆笑容分享，裁決前一星期發了三次夢，都是夢見法官宣讀裁決，自己在夢中罪名不成立，「發呢個夢都開心㗎， 起碼呢個星期都開心咗三次」。他隨即又補充，「哪怕罪名成立都好，都唔係一個生離死別，係一個短暫嘅離別…我相信好快會再見」。//
Marco 最終被判囚 31 個月，法官引述他的家人求情，說事件令家人深受打擊；媽媽求情形容他孝順勤奮、樂於助人，父親說他非窮凶極惡求法庭寬宏處理，弟弟訴說兄弟情，望一家人能盡快整整齊齊食飯。
由始至終堅持自己無罪，但 Marco 始終愧對家人，自覺令無辜親友一起面對「倒數嘅計時器…摧毀嘅唔係我一個，有機會係…一棵樹，一棵樹可能好大」。判決前，有做動物義工的他特意領養了幼貓，取名迪迪，陪伴家人。
還押在赤柱監獄個多月，Marco 精神不俗，飲食清淡和作息定時，濕疹反而有所改善。他說自被捕以來從沒留過一滴眼淚，但回想第一次隔著玻璃見到父母，那天卻忍不住，全因父親說了一句：「我哋喺出面等你」。
#721元朗襲擊 #721判刑 #非白衣人暴動案 #集誌社 #他們是誰
全文：https://tinyurl.com/4aemyfb7
721 元朗襲擊發生至逾五年七個月，前立法會議員林卓廷、庾家豪、陳永晞、葉鑫昇、鄺浩林、尹仲明、楊朗七名非白衣人，去年 12 月被裁定暴動罪成；案件日前（ 27日）判刑，各人被判囚 25 至 37 個月。
捲入這宗暴動案的被告，他們過去幾年是怎樣過，家人又如何面對和看待？《集誌社》在去年 12 月裁決前專訪了案中被告 Marco。
//2020 年 8 月 26 日，Marco 清晨 6 點接到爸爸從家中打來的電話。他早一晚到朋友家打機，睡眼惺忪之際，耳邊傳來父親的聲音問：「你喺邊度？返屋企，有阿 sir 上嚟拉你」；警員隨即接過電話表示要進行拘捕，要求他立即回家。半小時後，Marco 趕到家中，重案組警員指他涉嫌暴動並作正式拘捕。「嗰一刻反應係，我暴動？我暴動？我冇喎，我冇做過喎」；警員接著道出他「犯案」的日子，頓感晴天霹靂，「係 721。吓？721 暴動？721 暴動？」。
2024 年初和年中，他分別被兩間銀行終止戶口，搵工更覺困難，日子令他倍感折磨和麻木，只望盡快結束這三、四年的煎熬。他一邊說著「有時對方可能想睇到你消極，我就更加唔會」，另一邊卻不得不承認，隨著審訊展開，被告的信心亦越來越細。他提到，有被告原本覺得「贏緊㗎喎呢單案，但而家再問佢都擰晒頭，話唔樂觀」，承認自己已開啟求生模式，做定最壞心理準備，「喺絕處入面都要逢生」。
口中訴說著這段時間的不如意，Marco 一會兒又振作自己，說感受到很多人的關心和支持，例如有本來不認識的旁聽人士，會送上寫有加油、包裝漂亮的零食，為被告打氣；有朋友則會留意法庭新聞，每日短訊問候，令他覺得這條路並不孤獨。作為案中最年輕的一個被告，案發時只有 25 歲，經歷上門被捕、提堂、保釋、審訊，他形容這一切，「好似上咗一個好長嘅課程咁樣，個人好似長大咗」。
回顧過去 52 個月，Marco 形容自己的人生因官司「停擺咗四、五年」，過去兩年「都係生存，唔係生活…都係比較…可唔可以用渾渾噩噩呢？又唔係嘅，但係係生存、留一口氣，唔好畀自己死咁」。官司另一大影響是，令他對見義勇為產生猶豫，「如果罪名成立，有一日見到有啲人需要幫嘅時候，我會諗一諗係咪要幫，幫完會唔會有後果…唔好做、可能會瀨嘢…但我又好怕自己…好似內地有時有人車禍、有傷者喺路上但冇人理，我好怕自己都變成行屍走肉」。
裁決在即，他說對結果已有心理準備，「起碼都見到一個終點，都可能係一個完結」。話說得淡然，Marco 也曾深深不忿、感覺冤枉，「點解係我呢？咁多人點解係我？我係幫人嘅，有啲拎武器嘅都冇事…」，但五年時間已沖淡了他所有的感覺，亦放下了憤怒。「覺得都改變唔到乜嘢，已經將當日嘅經過、真相講晒出嚟，喺法庭入面盡咗力…聽日係罪名成立都好，其實改變唔到，我要做嘅嘢做晒喇…有啲嘢我自己知道冇罪，或者有啲真相大家都睇到、知道嘅，其實已經夠喇」。
Marco 說明白時局難免令人悲觀，但慶幸自己在絕望中，仍能帶有一點希望、一點信念。他又面帶靦腆笑容分享，裁決前一星期發了三次夢，都是夢見法官宣讀裁決，自己在夢中罪名不成立，「發呢個夢都開心㗎， 起碼呢個星期都開心咗三次」。他隨即又補充，「哪怕罪名成立都好，都唔係一個生離死別，係一個短暫嘅離別…我相信好快會再見」。//
Marco 最終被判囚 31 個月，法官引述他的家人求情，說事件令家人深受打擊；媽媽求情形容他孝順勤奮、樂於助人，父親說他非窮凶極惡求法庭寬宏處理，弟弟訴說兄弟情，望一家人能盡快整整齊齊食飯。
由始至終堅持自己無罪，但 Marco 始終愧對家人，自覺令無辜親友一起面對「倒數嘅計時器…摧毀嘅唔係我一個，有機會係…一棵樹，一棵樹可能好大」。判決前，有做動物義工的他特意領養了幼貓，取名迪迪，陪伴家人。
還押在赤柱監獄個多月，Marco 精神不俗，飲食清淡和作息定時，濕疹反而有所改善。他說自被捕以來從沒留過一滴眼淚，但回想第一次隔著玻璃見到父母，那天卻忍不住，全因父親說了一句：「我哋喺出面等你」。
#721元朗襲擊 #721判刑 #非白衣人暴動案 #集誌社 #他們是誰
