23 條被捕者｜陳劍琴被退演、被匿名投訴終教學：「我雖勢弱言輕，決不虛作無聲」

[andy0721]

23 條被捕者｜陳劍琴被退演、被匿名投訴終教學：「我雖勢弱言輕，決不虛作無聲」

全文：https://tinyurl.com/4vefbpu2

去年被國安警引用 23 條拘捕、後保釋的前區議員陳劍琴，今在 Facebook 發帖文，指在表面和諧一切如常背後，「有人被消聲匿跡」。她回覆《集誌社》查詢時指，上周同一日內先後被劇團通知要「退演」，否則戲團會被康文署取消場地；她又被剛開始教學的院校通知，校方高層收到「簡體字投訴信後」決定要終止教學。

陳劍琴承認對情況感「powerless（無力） 同 speechless（無言），除咗接受之外，仲可以做乜」，明知「弊多於利」下仍把事件公開，因「唔係淨係我面對，有好多人有形無形被消失於公共空間，大家唔覺意成為審查、自我審查的一部分」，她憂慮如此只會令公民社會更分散、情況更不健康，強調「雖勢弱言輕，決不虛作無聲」。《集誌社》已向康文署查詢，仍候回覆。

陳劍琴指，她原來有份演出的舞台劇將在下周公演，但早前「一直被 hold 住唔可以宣傳，唔知咩事」，直至上周她獲劇團通知，康文署審查後知悉她有份演出，「要求換走演員，否則會引用條例拒絕租場」。陳憶述對上一次在康文署場地演出是去年 5 月，而她是在去年 6 月被國安警引用 23 條拘捕，但「唔夠膽揣測兩者有冇關連」。

同一天，原本在院校開始兼職教授社會學的陳劍琴，被通知院校高層「收到簡體字投訴信，冇辦法再合作」。她指這類匿名舉報在《國安法》後非常普遍，自己不清楚投訴信內容，曾向院校方面反映，「唔介意問我課堂做乜、我教材亦公開」，但在沒上訴途徑和合理程序下被終止教學。她形容自己角色被動、屬被通知，除接受外別無選擇，形容「係 powerless （無力）同 speechless（無言），仲可以做乜？」。

陳劍琴指最大感受是，明白「我哋被標籤咗『敏感」、被監察住嘅人，係會面對呢啲被壓迫狀況」，但痛心和遺憾合作伙伴一起面對時的態度。她又指，明白不同機構和個人都面對壓力，但「能否唔好排除有選擇、有更好的溝通空間？」，又指「希望大家可以善良啲對被迫消失喺社會嘅人」。

她強調明知自己將事件公開是「弊多於利，或者更加令演出空間、教學機會更低」，但相信「唔係淨係我面對，有好多有形無形、被消失喺公共空間嘅人，係冇講出嚟默默承受」，而若大家成為配合審查、自我審查的一部分，將令公民社會更分散、更不健康，強調「冇嘢值得隱瞞，我哋係需要被見到」。