講過sake又講過cocktail，今次講下唔少男人嘅至愛Whisky 啦！戴番頭盔先，其實在下唔太好，主因係個人preference 上唔係幾鍾意佢嘅麥味，甚至某啲品牌燶烈嘅煙燻味。當然呢樣正正係唔少愛好者享受嘅特質，而且其非常豐富多樣性嘅色、香、味以及具深度嘅變化類型，亦係吸引之處。
【威士忌 Whisky 】
＜發芽malting＞大家成日係相中見到將大麥平舖地板上發芽烘乾嘅過程。蘇格蘭運用當地盛產嘅泥煤形成獨特明顯嘅smoky，而美國則換成粟米作原料，因而較顯甜度，以及煤炭作為烘乾嘅方式 。
＜糖化mashing＞先將麥芽磨碎，然後加入熱水攪拌形成麥汁。
＜發酵fermentation＞將麥汁冷卻後加入酵母發酵成為洒汁。
＜蒸餾distillation＞加熱氣化成酒精蒸氣後，再冷卻液化回以提升其濃度，一般會再重複整個過程1至2次。
＜熟成maturation＞加水將之稀釋係填注入木桶存放陳年。｛橡木桶非常影響最終色澤、香氣、味道，因為成木會於熟成過程時溶解當中。｝
＜調和vatting＞將唔同桶嘅成品混合後裝瓶出貨，有時亦會再過捅到另一種木桶去繼續熟成。
【Single Malt？Blended？】
經常係洒樽見到呢兩款字眼，究竟有咩意思？前者代表採用單一間蒸餾廠嘅完成品，而後者則混和咗一間以上。
【推介】
Glenfiddich : 主調花果香，無用泥煤，口感輕盈，啱初嘗者。(長期全球最高銷量單一麥芽威士忌
！）Highland Park : 焦糖、麥芽香風味，具煙燻感，但口感甜順滑。Jameson : 愛爾蘭產，溫和唔搶，單飲或調酒用都好適合。#威士忌 #whisky #wine
wing_sparkling
