真。香港人 - 討論組

【香港獨立倡議委員會譴責港共政權再懸紅通緝六港人】

對於香港國安處周二平安夜（24日）公佈嘅新一輪通緝名單，涉及6名海外港人，包括劉珈汶、香港獨立倡議委員會創辦人鍾翰林、鍾劍華、何良懋、鄭敬基，以及最年輕被通緝嘅張晞晴，香港獨立倡議委員會予以強烈譴責及憤慨。有關指控實為毫無根據嘅政治脅迫，港共政權妄圖藉此打壓海內外香港民族爭取民主自由嘅決心。

港共政權自2019年時代革命至今持續懼怕香港人反抗意志，尤其是不受其箝制嘅海外港人社群。港共政權持續以國家安全為名展開以獨裁政權安全為實嘅鎮壓行徑，正反映出其政權之脆弱，使其至今心有餘悸。

香港獨立倡議委員會作為一個推動香港住民自決嘅團體，呢次懸紅無疑係對本委員會嘅一種肯定。我哋會繼續堅定不移推動香港民族嘅自決權利，任何威嚇以及打壓註定徒勞無功。

我哋強烈呼籲國際社會密切關注香港日益惡化嘅政治局勢，並積極採取行動，聲援香港民主力量。對於所有嘅打壓行徑，本委員會絕不妥協，將持續與各港人社群團體攜手合作推動香港民主進程。

香港獨立倡議委員會
2024年12月25日