對Chloe 100%支持

[emily]

今日正式被香港警方以一百萬港元懸紅通緝。列斯手足連線表示極度憤怒，同時表示對Chloe 100%嘅支持。喺抗爭路上我哋無畏無懼，無論幾多打壓，我哋都會並肩而行，直至光復香港為止。

Chloe 15歲嚟到英國，喺英國高考後加入香港自由委員會基金會（the CFHK foundation)。一直致力於香港事務，為流散嘅港人發聲，對抗極權政府。

放棄校園生活而選取踏上抗爭路途。離開香港呢個熟悉嘅家園反被懸紅通緝。Chloe 可能係被選中嘅細路，但同時亦係因為佢決心去為香港，為離散港人負重前行！

香港人要自強。我哋列斯有一個張晞晴，我哋相信佢絕唔孤單。我哋希望嚟緊會有越來越多嘅人，無論年紀、學識、能力、工作、體格，各樣種種都唔係藉口！如果連一個15歲嚟到英國嘅小女孩都可以為我哋背負對抗中共嘅重責，我哋相信我哋任何一個能幹嘅香港人都能夠做到。

如果你未曾參與過任何嘅抗爭活動，作為香港離散族群嘅一份子，懇請你同我哋一齊去背負張晞晴嘅負擔。今次我哋會聯署寫信到MP去令佢哋關注呢件事，以及希望英國政府能夠正視跨境打壓呢個問題。請唔好猶豫，由一小步開始，立即支持我哋嘅所有行動。

聯署辦法：
1. 上呢個網，輸入postcode 去搵你所屬嘅MP:
https://members.parliament.uk/FindYourMP

2. Copy and paste 呢個範文，最頂改返你MP 嘅名，最底改返你署名同加返你嘅postcode (MP 需要確認你係喺佢所屬選區，所以請留postcode, 對MP 嘅通訊理應係保密）

https://docs.google.com/file/d/1m2PW8cm ... ype=msword

3. 請你用自己email address 去信MP, 歡迎喺範文入面加減內容。

多謝你嘅支持！