分析非專業及低儲蓄的人仕為什麼更加要移英

[emily]

加入我Patreon:
patreon.com/Findawaytouk
———
分析非專業及低儲蓄的人仕為什麼更加要移英
我諗移英對於大部分人來講係要有好多錢同埋要有專業資格先適合，我以過來人的身分可以話俾大家知唔係，如果你本身喺香港已經處於困境，移英會係你突破困局的一個方案。
第一，重新調整財政個人/家庭收支，移英後最大分別係減低社交應酬支出，例如生日飯局、「去飲」、百日宴、團年飯之類；如有小朋友的家庭，可減省在香港俾小朋友的補習班興趣班的支出，一般小朋友平均都要$2000一個月；減低租金支出，一般一家四口租住私人樓平均要$12000起，英國則平均£700-800 （以曼城非富人地區為例），有更平的城市嘅，但工作機會較少，所以唔建議住太便宜；英國做工人福利更佳，以筆者為例，在工廠做操作員，£28000年薪，一個月返12日工，每日12小時，每日最少1.5小時break，另有12日annual leave，有全家醫療保險包埋牙科，退休金自己供5%，公司就幫你供10%，自己更多私人時間可選擇進修或搞副業，唔會俾份工困死自己，相對香港的長工時，根本無時間做自己的副業同進修，變相只可依靠公司份糧。
第二，提升子女教育資素，香港讀國際學校的學費貴係人所共知，移英即可將其平民化，因一般英國公立學校的教學已有國際學校的效果，喺無使多錢的情況下已經可以享受到。
第三，如在港個人信貸紀錄不良，可在英國「洗底」重新開始。
第四，英國買樓相對較容易，英國除了倫敦的房價有炒風外，其他城市則比較平穩，首置的買家更可使用政府協助買樓的擔保政策，成功做按揭後，供樓平過租樓。
第五，低消費，英國現時雖然因俄烏戰爭而高通漲，更物價仍相對香港為低，加上社會相對純樸，唔會太注重名牌物資主義，買本地品牌資素好及便宜。
以筆者為例，一家四口一隻貓，屋企租$13000，兩個仔每月補習興趣班共$4000，工作性質需要跑生意，需要較高支出的交通費及食飯應酬費，每月支出最慳都要$30000，所以難以儲蓄，我採用先單拖來英國開山，主要有兩大任務，第一，搵到一份月入£2000的全職工，第二，搵到一間可以一按一上的屋，因為如果你喺香港搵英國屋，正常都要一次過俾一年租先得，正如我所講，我係無乜儲蓄，如果搵唔到一按一上嘅屋，我係計唔掂數，至於我實際財政狀況係點，會在收費文披露。
總結以上原因，移英除政治原因，更大原因就係經濟，因為知道喺香港繼續咁落去係死局，我過咗英國一年四個月，搵到夠養家嘅工同一按一上嘅屋，已經同家人團聚，同埋儲蓄有正增長，「有儲蓄就有將來」，如果你都係我同樣情況，可以用一餐飯價錢去訂閱我嘅平台，拎有用的參考資訊，收費文章會完全透露我實際情況同埋可以發問交流。
加入我Patreon:
patreon.com/Findawaytouk