追蹤黨媒: 海皇粥店老闆蕭楚基

[emily]

海心關愛隊副隊長aka海皇粥店老闆蕭楚基幾日前出聲明，聲稱海皇粥店並非無良企業，話海皇經營33年間，「所有員工的工資及福利均是準時發放，無一缺少。」

今朝881晴朗訪問兩位海皇粥店分店經理，兩人分別證實關愛隊老闆講大話。

烽烟1: 粉嶺及上水分店經理，做海皇18年，欠薪14萬，包括月薪、代通知金、14天例假及600個鐘OT等。

佢話：「舊年9月開始一路拖糧，外勞準時7號出糧，本地員工去到9號、10號出糧，我有期糧去到28號出。」

烽烟2: 美孚分店經理，做海皇12年，欠薪15萬，包括月薪、代通知金、長期服務金等。

佢話：「大半年前已遲出糧，正常7號出糧，變成10幾號出畀一啲同事，20幾號畀一啲同事，月尾畀一啲同事，總之起碼遲一個星期。」

本來僱主欠薪係勞工處之事，但呢位無良老闆身兼關愛隊副隊長，請問麥美娟幾時出來回應？

#20250512