追蹤黨媒: 出色警員

[andy0721]

今日有三則東方警訊，其中一位警員極出色。

男警2014年去廟街嫖妓，想省回200蚊肉金，就以警員身份迫內地鳳姐免費招待，事後恐嚇佢回內地。

佢2016年因公職人員行為失當判囚20個月， 2017年2月21日出獄。這段期間，其房屋津貼被暫停，欠交紀律部隊宿舍單位約2.8萬元租金。

最神奇係，佢出獄後至2018年3月中才被革職，這段期間重新獲得房屋津貼，但仍需支付部分租金，但佢拖欠這4萬元租金。

佢遭革職後賴死唔走，2020年11月才搬走，這段期間拖欠租金53.8萬元。

法官裁定佢要支持60.6萬元租金及6.9萬元訟費。

另一宗東方警訊報道男警開車煲電話粥而撞傷人，被判危險駕駛引致他人身體受嚴重傷害罪，佢求情指父母均為警察，自己月入約7萬元，望法庭唔好判佢坐監，否則會影響佢工作。

第三宗東方警訊報道警員調查盜竊案時，訛稱有關市民拒絕協助，更偽造市民投訴電郵佐證。上司發現可疑並向上級報告。涉事警員被裁定在公職中行為失當罪成，判囚6個月，佢昨日上訴被駁回，須即時服刑。

#20250524